Зварот жыхароў Ракава: у нас скралі нашыя галасы, але мы не страцілі здольнасць гаварыць

Зварот жыхароў Ракава:

«Мы — жыхары Ракава. У нас скралі нашыя галасы, але мы не страцілі здольнасць гаварыць. Нас хочуць запалохаць, але мы не губляем адвагу стаяць за сваю праўду. Нам забараняюць сустракацца, але мы знаходзім магчымасць быць разам. Чорныя постаці без твараў намагаюцца сачыць за кожным нашым крокам, але гэта не перашкаджае нам ісці наперад.

А цяпер Мы будуем будучыню — тое, што атрымаюць у спадчыну нашыя дзеці. Якой яна будзе? Хто ўвойдзе ў заўтрашні дзень? Маўклівыя постаці без твараў, людзі з заплюшчанымі вачыма і закрытымі вуснамі, якія страцілі сваё сумленне, годнасць, веру і душу, якія не ведаюць сваю гісторыю і свае традыцыі? Не!

У нашай будучыні — прыгожы, адкрыты твар, ясныя вочы і шчырая ўсмешка! Разам мы захаваем і пранясём у заўтрашні дзень тое, чаму навучылі нас нашыя продкі: сумленна працаваць, мець павагу адно да аднаго, цаніць сваю чалавечую годнасць, шанаваць традыцыі, памятаць гісторыю, упрыгожваць святыні, бараніць веру і свабоду, спяваць свае песні і людзьмі звацца.

Мы — свабодныя людзі!»

Просім падпісацца на нашыя сацсеткі, дзе мы шчыра расказваем праўду:

https://instagram.com/symbalby/
https://facebook.com/symbalby/
https://t.me/symbalby
https://twitter.com/symbalby
https://vk.com/symbal_by
https://ok.ru/symbalby
https://youtube.com/symbalbybelarus
https://tiktok.com/@symbalby

Видео Зварот жыхароў Ракава: у нас скралі нашыя галасы, але мы не страцілі здольнасць гаварыць канала symbal.by