စီးပွားရေးမကောင်းလို့ ချွေတာဖို့ မင်းအောင်လှိုင်ပြော #myanmar #shorts #shortvideo

စီးပွားရေးမကောင်းလို့ ချွေတာဖို့ မင်းအောင်လှိုင်ပြော
ရန်ကုန်၊ မတ်လ ၁၄ ရက်

နိုင်ငံရဲ့ စီးပွားရေးအခြေအနေ မကောင်းတော့တဲ့အတွက် ငွေကြေးသုံးစွဲမှုတွေကို လျှော့ချပြီး အဘက်ဘက်ကနေ ချွေတာကြဖို့ စစ်ကောင်စီခေါင်းဆောင် မင်းအောင်လှိုင်က တိုက်တွန်းပြောကြားလိုက်ပါတယ်။

မကြာသေးမီက ပြုလုပ်ခဲ့တဲ့ အစည်းအဝေးတစ်ခုမှာ မင်းအောင်လှိုင်က လက်ရှိနိုင်ငံရဲ့ ငွေကြေးအခက်အခဲတွေနဲ့ ပတ်သက်ပြီး “တိုင်းပြည်မှာ နိုင်ငံခြားငွေ အခက်အခဲတွေ ရှိနေတယ်။ ဒါကြောင့် အဘက်ဘက်ကနေ ချွေတာကြဖို့ လိုအပ်တယ်။ ငွေကြေးသုံးစွဲမှုကအစ ချွေတာကြရမယ်” လို့ ပြောဆိုခဲ့တာ ဖြစ်ပါတယ်။

ဒါပေမဲ့ ပြည်သူတွေကို ချွေတာဖို့ တိုက်တွန်းနေချိန်မှာပဲ မင်းအောင်လှိုင်ရဲ့ စစ်ကောင်စီတပ်ကတော့ နိုင်ငံတစ်ဝန်းမှာ နေ့စဉ်နှင့်အမျှ စစ်ရေးလှုပ်ရှားမှုတွေအတွက် ငွေကြေးအမြောက်အမြား သုံးစွဲနေပါတယ်။ လက်ရှိမြေပြင်အခြေအနေတွေအရ စစ်ကောင်စီတပ်ဟာ နိုင်ငံတစ်ဝန်းမှာ တစ်နေ့ကို ပျမ်းမျှ အကြိမ် ၅ ကြိမ်ထက်မနည်း လေကြောင်းကနေ ဗုံးကြဲတိုက်ခိုက်မှုတွေ လုပ်ဆောင်နေပါတယ်။

လေယာဉ်ဆီတစ်ဂါလံကို ဒေါ်လာဈေးနှုန်းနဲ့ ဝယ်ယူနေရပြီး ဗုံးတစ်လုံးစီရဲ့ တန်ဖိုး၊ လေယာဉ်ပျံသန်းစရိတ်တွေနဲ့ တွက်ချက်ကြည့်မယ်ဆိုရင် တစ်နေ့ကို အမေရိကန်ဒေါ်လာ သန်းချီပြီး စစ်စရိတ်အဖြစ် အလဟဿ အကုန်အကျခံနေတာကို တွေ့ရပါတယ်။ ပြည်သူတွေကို ချွေတာဖို့ ပြောနေတဲ့ မင်းအောင်လှိုင်ဟာ သူ့ရဲ့ စစ်အာဏာတည်မြဲရေးအတွက်တော့ တိုင်းပြည်ရဲ့ ဘဏ္ဍာငွေနဲ့ နိုင်ငံခြားငွေတွေကို စစ်စရိတ်အဖြစ် အကန့်အသတ်မရှိ သုံးစွဲနေတာ ဖြစ်ပါတယ်။

“ပြည်သူတွေကိုတော့ မုန့်ဖိုးလေးကအစ ချွေတာခိုင်းပြီး၊ ကိုယ်တိုင်ကတော့ တိုင်းပြည်ကို ပြာကျစေမယ့် ဗုံးတွေ၊ လက်နက်တွေ ဝယ်ဖို့ ဒေါ်လာသန်းပေါင်းများစွာ သုံးနေတာဟာ ဘယ်လိုမှ မမျှတပါဘူး” လို့ စီးပွားရေးလေ့လာသူတွေက ဝေဖန်ပါတယ်။

အခုလက်ရှိမှာတော့ ပြည်တွင်းဈေးကွက်ထဲမှာ အမေရိကန်တစ်ဒေါ်လာကို ၄,၀၀၀ ကျပ် ဝန်းကျင်အထိ ပေါက်ဈေးရှိနေပြီး ကုန်ဈေးနှုန်းတွေလည်း အဆမတန် မြင့်တက်နေတာကြောင့် ပြည်သူတွေဟာ နေ့စဉ်စားဝတ်နေရေးအတွက် အခက်အခဲတွေနဲ့ ရင်ဆိုင်နေရတာ ဖြစ်ပါတယ်။

#ဒေါ်လာဈေး #စီးပွားရေးပျက်ကပ် #ကုန်ဈေးနှုန်း #မင်းအောင်လှိုင် #MyanmarEconomy #DollarRate #Inflation #MyanmarNews

Видео စီးပွားရေးမကောင်းလို့ ချွေတာဖို့ မင်းအောင်လှိုင်ပြော #myanmar #shorts #shortvideo канала Democratic Press