Azıx mağarasının işğalına son qoyuldu

Ermənistan təcavüzkar siyasətini davam etdirərək Azərbaycanın işğal edilmiş ərazilərində qanunsuz arxeoloji qazıntı işləri həyata keçirib. Mədəniyyət Nazirliyindən verilən məlumata görə, Azərbaycanın Xocavənd rayonu ərazisində yerləşən,dünya əhəmiyyətli arxeoloji abidə kimi dövlət qeydiyyatına alınmış Azıx mağara düşərgəsində 2002-ci ildən etibarən xarici ekspertlərin iştirakı ilə qanunsuz qazıntı aparılıb. Qazıntılar zamanı aşkar olunmuş maddi-mədəniyyət nümunələri Ermənistana daşınaraq mənimsənilib. Azıx mağarası burada ən qədim insanın yaşamasını sübut edən tarii eksponatların tapılması ilə məşhurdur. Belə ki, 1968-ci ildə Azıx düşərgəsinin orta aşel təbəqəsində aparılan arxeoloji qazıntılar zamanı əmək alətləri ilə birlikdə qədim insan çənəsi də tapılmışdı. Azıxda aşkar olunmuş çənə keçmiş SSRİ ərazisində və Qafqazda ən qədim insan çənəsidir və 30-35 yaşlı qadına məxsusdur. bu qadın 350 min il bundan əvvəl Azərbaycan ərazisində yaşayıb. 30 ilə yaxındır ki, bu ərazi emənilərin işğalı altında olduğundan, Azərbaycanlı alimlərin orada araşdırma aparması mümkün olmayıb. Ermənistan qanunsuz olaraq Azıx mağarasına İngiltərə, İrlandiya, İspaniya və İtaliyadan arxeoloji ekspedisiyalar təşkil edib, burda tapılan qədim alətlər və qədim heyvanların sümükləri Ermənistan və Qərb ölkələrinin muzeylərinə göndərilib.
Azərbaycan Baş prokurorluğu bu məsələ ilə bağlı araşdırma apararaq qanunsuz elmi tədqiqat aparan şəxslərin kimliyini müəyyənləşdirib. Baş Prokurorluğun istintaq idarəsinin böyük müstəntiqi Qasım Məmmədov bildirir ki, bu şəxslər barəsəndə cinayət işi açılıb. Çünki bu şəxslər Azərbaycana məxsus mədəni irs nümunələrinin xarici ölkələrə çıxarılıb satılmasını təmin ediblər.
Qeyd edək ki, Azərbaycanən alimləri Məmmədəli Hüseynov və Əsədulla Cəfərovun rəhbərliyi altında Azıx qədim insan düşərgəsində aparılan kompleks elmi tədqiqat işləri zamanı 10 arxeoloji təbəqə qeydə alınıb. Aşkarlanmış çənə quruluşundakı spesifik cəhətlərə əsasən bir tərəfdən pitikantroplarla, digər tərəfdən Fransanın Araqo mağarasında tapılmış preneandertallarla daha yaxındır. Azərbaycan alimlərinin Qarabağ ərazisində apardıqları arxeoloji, etnoqrafik, elmi tədqiqatlar ən qədim zamanlardan- Azərbaycan xalqının ulu əcdadının bu torpaqlarda yaşadığını, zəngin maddi və mənəvi mədəniyyət yaratdığını elmi əsaslarla sübuta yetirib. Alimlərimizin araşdırmaları tarixi saxtalaşdırmağa cəhd edən erməni alimlərinin iddialarının tamamilə əsassız olduğunu göstərir.

Видео Azıx mağarasının işğalına son qoyuldu канала CBC FM Azerbaijan