Народная творчасць: Сустрэнемся на плошчы Незалежнасці (песня на верш Генадзя Бураўкіна)

Песня на верш Генадзя Бураўкіна «Сустрэнемся на плошчы Незалежнасці», які паэт напісаў у 1997 годзе.

Калі вы хочаце, каб мы апублікавалі на нашым ютуб-канале і ў сацыяльных сетках вашыя крэатыўныя музычныя кліпы, аўтарскія ролікі, прысвечаныя Беларусі, нацыянальным сімвалам і апошнім падзеям у краіне — дасылайце на symbalby@gmail.com. І іх пабачаць дзясяткі тысяч людзей!

Генадзь Бураўкін — Сустрэнемся на плошчы Незалежнасці

Калі павее вечаровай свежасцю
I загарацца ліхтароў агні,
Прыходзь тады на плошчу Незалежнасці,
Каб разам пастаяць у цішыні.

Бульвар прасторны дзённай стомай дыхае.
У небе стынуць зоркі-спарышы.
А над зямлёй плыве лагода ціхая
I роздум пасяляецца ў душы.

Нам ёсць што ўспомніць,
Ёсць аб чым параіцца
Каля старых задумлівых муроў.
Мы зможам дачакацца светлай раніцы
Сярод надзейных маладых сяброў.

Не бойся ні туманнасці, ні снежнасці,
Хай дождж сячэ або пячэ мароз.
Сустрэнемся на плошчы Незалежнасці
Дакладна ў час, які прызначыў лёс.

Па вечнаму закону непазбежнасці
Разлучымся з адчаем і журбой.
Сустрэнемся на плошчы Незалежнасці
I болей не расстанемся з табой.

Просім падпісацца на нашыя сацсеткі, дзе мы шчыра расказваем праўду:

https://instagram.com/symbalby/
https://facebook.com/symbalby/
https://t.me/symbalby
https://twitter.com/symbalby
https://vk.com/symbal_by
https://ok.ru/symbalby
https://youtube.com/symbalbybelarus
https://tiktok.com/@symbalby

Видео Народная творчасць: Сустрэнемся на плошчы Незалежнасці (песня на верш Генадзя Бураўкіна) канала symbal.by