Cəbrayıl və Füzulinin də mina xəritələri verilir - Politoloq Azad Məsiyev CANLI yayında

#Ərdoğan#Xankəndi#Abunəol

Rusiyalı tanınmış analitik və tarixçi Oleq Kuznetsov əmindir ki, iyunun 20-dək, yəni Ermənistanda seçkilərədək Cəbrayıl və Füzuli rayonlarının xəritələri də Bakıya veriləcək. Sitat: “Əminəm ki, Azərbaycan yaxın həftələrdə nəinki mina xəritələri məsələsini həll edəcək, həm də dövlət sərhədinin delimitasiyası və demarkasiyası, eksklavların öz yurisdiksiyasına qaytarılması, Ermənistandan keçməklə Naxçıvanla eksterritorial quru nəqliyyat əlaqəsinin açılması ilə bağlı bütün digər məsələləri də həll edəcək”.
Bundan başqa, postmüharibə dövründə tez-tez dilə gətirilən 6 bölgə ölkəsinin ittifaqı baş tutacaqmı? Bu ittifaq haqda Ərdoğan da Milli Məclisdə çıxışında danışdı. Dedi ki, savaşdan sonra Rusiya, Türkiyə, Azərbaycan, İran, Gürcüstan və Ermənistan arasında ittifaq yaranmasına çalışırlar. Bu ittifaq yaradılsa, bundan Ermənistanın da yararlanacağı deyilir. Zəngəzur dəhlizi də daxil olmaq, bölgə yeni böyük iqtisadi nəfəslik qazanmış olacaq.
Yeri gəlmişkən, Rəcəb Tayyib Ərdoğanın Şuşa səfəri, eləcə də Azərbaycan və Türkiyə prezidentləri arasında imzalanan tarixi Şuşa Bəyannaməsinin ölkələrimizi sevməyən dairələrdə qıcıqla, narazılıqla qarşılanacağı gözlənilən idi.
Rusiya XİN sözçüsü Mariya Zaxarova sözügedən sənədlə bağlı deyib: “Biz Azərbaycan və ya Ermənistanın üçüncü tərəflərlə ikitərəfli münasibətlərini Dağlıq Qarabağ mövzusu ilə qarışdırmağı düzgün hesab etmirik. Sonuncu Azərbaycan-Türkiyə yüksək səviyyəli təmaslarına məhz bu əsasda baxırıq... Hesab edirik ki, regionda ikitərəfli əlaqələr, o cümlədən hərbi əlaqələr digər dövlətlərə qarşı qurulmamalıdır”.

Видео Cəbrayıl və Füzulinin də mina xəritələri verilir - Politoloq Azad Məsiyev CANLI yayında канала Tv Musavat