"N.R.M." - Сакрэт сусветнага святла (2003)

У звыклым стане
Глядзіш на белыя снягі.
Твой стан нірваны
Табе знаёмы й дарагі.

Глядзіш на мора
Глядзіш на хваляў белы шум,
А бачыш горад,
Яго сталёвую душу.

Прыпеў:
А дзе шукаць і дзе знайсці і дзе схаваць?
А як убачыць, як пачуць, як не праспаць?
Як утрымаць, як не прадаць, як не прапіць?
Куды ісці, чаго хацець і што рабіць?

Каляды блізка –
Прамень чароўнага вагню
Тваё дзяцінства
Бы абудзілася ад сну,

І недзе побач
Сакрэт сусветнага святла.
Знайшоў яго бы -
Падняцца цяжка з-за стала.

Рэфрэн.

Усё як трэба –
Усё паміж дабром і злом.
Гарыць папера,
Дае дрыготкае святло.

Видео "N.R.M." - Сакрэт сусветнага святла (2003) канала secondbelarus