Əsas xəbərlər 21.12.2020 (Xəbər Saatı) Rusiyadan Azərbaycana XANKƏNDİ ŞOKU!

Azərbaycan tərəfi onlarda 62 erməni əsirinin olduğunu təsdiqləyib.
Axar.az xəbər verir ki, bunu Ermənistan parlamentinin deputatı Nazeli Baqdasaryan deyib.
"İndicə deputat Sofiya Ovsepyanla Rusiya sülhməramlılarının komandanı Rüstəm Muradovun görüşü başa çatdı. General bildirib ki, rəsmi Bakı 62 erməninin əsir götürüldüyü faktını təsdiq edib”, - Baqdasaryan bildirib.
“Dağlıq Qarabağda atəşkəsə nəzarət üzrə Birgə Rusiya-Türkiyə Mərkəzinin ən qısa zamanda Ağdamda fəaliyyətə başlaması üçün əməkdaşlığımız Azərbaycan və Rusiya Federasiyasının koordinasiyasında davam etməkdədir”.
Oxu24.com -un  xəbərinə görə, bu fikirləri Türkiyə Müdafiə Nazirliyinin həftəlik yayımlanan mətbuat bülletenində bildirilib.
Qeyd olunub ki, Ermənistanın işğalından azad edilən Azərbaycan ərazilərinin təhlükəsizliyinin təmini üçün Türkiyə Silahlı Qüvvələrinin dəstəyi davam edir:
“Azərbaycan Ordusuna dəstək məqsədilə 135 personaldan ibarət 2 Xüsusi Mina Təmizləmə qrupu mina axtarışı və zərərsizləşdirilməsində iştirak edir. Digər partlayıcıların kəşfiyyatı və məhv edilməsi üçün hər birində  4 nəfər olmaqla 12 komanda (tim) və 64 personal isə təlim-tədrisə dəstək verməkdədir”.

“Türkiyə olaraq, “İki dövlət, bir millət” anlayışı ilə bu günə qədər kədərini kədərimiz, sevincini sevincimiz bildiyimiz can qardaşlarımızın yanında olmağa davam edəcəyik” deyə açıqlamada bildirilib.
Qeyd edək ki, noyabrın 10-da Azərbaycan, Rusiya və Ermənistan arasında qəbul edilən atəşkəs razılaşmasından sonra noyabrın 11-də Türkiyə və Rusiya müdafiə nazirlərinin imzaladıqları memorandum çərçivəsində Dağlıq Qarabağda atəşkəsə nəzarət üzrə hər iki ölkənin Birgə Mərkəz yaratması qərarı verilib.
Qondarma rejimin rəhbəri Arayik Harutunyan bu gün Xocavənd rayonun Sos kəndinə gəlib. O burada Amaras monastır kompleksində olub.
Arayik Harutunyanın səfər etdiyi əraziyə Rusiya sülhməramlıları nəzarət edir.
Amaras monastırı  Xocavənd rayonunun Sos kəndi ərazisində yerləşən xristian monastırıdır. Monastır Qafqaz Albaniyasında erkən xristianlıq dövründən Alban Həvari Kilsəsinin ləğv edilməsinə kimi ziyarət edilmiş ən müqəddəs məbədlərdən biri olmaqla, yaxın vaxtlara kimi yerləşdiyi ərazinin həm xristian, həm də müsəlman əhalisi tərəfindən müqəddəs hesab edilmişdir. 
"Rusiya Azərbaycan ərazisindən Xankəndiyə tikinti materialları, humanitar yardım aparır. "Özünü müdafiə dəstələri" adında qanunsuz silahlı birləşmə təchizatla təmin edilir və Azərbaycan əsgərinə qarşı diversiya edir. Arayik Arutunyan da Rusiyanın yardımı ilə "mini hökümət" qurur. Bizə qarşı düşmənçiliyi davam etdirir. Rusiya Qarabağdakı ermənilərə yardım etməklə Azərbaycana qarşı qoyur. Rusiyanın buradakı ermənilərə humanitar və infrastruktur qurması qanunsuzdu və buna rəsmi Bakı icazə verilməməlidir".
Yenisabah.az xəbər verir ki, bu fikirləri politoloq Məhəmməd Əsədullazadə Qarabağdakı hazırki durumu şərh edərkən deyib.
"Azərbaycan tədricən özü bu işləri etməli idi. Oradakı ermənilər ya qalacaq bizim suverenliyimizi qəbul edəcək, yaxud çıxıb gedəcəkdi. Rusiya bunlara kömək etməklə, yenidən burada mina hazırlayır.

Silahlı erməni birləşmələri qalacaqsa, ora humanitar yardımın aparılmasına icazə verilməməlidir.
Azərbaycan mütləq Rusiya rəhbərliyinin bu təxribatçı siyasəti nəticəsində ermənilərin dirçəldilməsinə imkan verməyəcək. Əvvəlki vəziyyət tarixdə qaldı", - deyə politoloq əlavə edib.
Rusiya hərbçiləri Ermənistanla Azərbaycan arasında Qaraağda bu günlərdə başa çatmış müharibənin təcrübəsini ətraflı şəkildə təhlil edir.
Oxu24.com  Rusiya mənbələrinə istinadən xəbər verir ki, mütəxəssislər əsasən Ermənistan ordusunun silahlanmasında yer alan və Rusiya istehsalı olan və  özünü, yumşaq desək, “yaxşı tərəfdən göstərə bilməyən” hava hücumundan müdafiə sistemləri barədə araşdırma aparır. Çünki bu komplekslər Türkiyənin “Bayraktar TB2” zərbə pilotsuz təyyarələri qarşısında praktiki olaraq köməksiz vəziyyətdə qalmışdı. Eləcə də Azərbaycan ordusunun digər zərbə dronları ermənilərin hava hücumundan müdafiə və radioelektron mübarizə vasitələrini kütləvi şəkildə sıradan çıxara bilmişdi.
Bildirilir ki, Rusiya Silahlı Qüvvələrinin Hava Hücumundan Müdafiə qoşunlarının Hərbi Akademiyasının mütəxəssisləri Ermənistan ordusunun silahlanmasında yer alan hava hücumundan müdafiə sistemlərinin kütləvi şəkildə məhv edilməsinin, hava məkanında “Bayraktar TB2” dronlarının praktiki olaraq dominantlıq etməsinin səbəblərini diqqətlə analiz ediblər. Və belə nəticəyə gəliblər ki, “günahın” hamısı Türkiyə dronlarının effektiv səpələnmə sahəsinin (hava hədəfinin özündən radiolokasiya dalğalarını əks etdirməsi radiusu) həddən artıq aşağı olmasındadır. Nəticədə Rusiya HHM kompleksləri onları vaxtında aşkar edə bilməyib və bu səbəbdən dronlar birinci zərbə endirə bilib.
 
Hərbi Akademiyanın nümayəndələri deyirlər ki, “Buk-M1”, “Tor-M1”, “Osa-AKM”, “Pantsir” və “Tunquska-M1” kimi hava hücumundan müdafiə komplekslərinin poliqon sınaqları zamanı onların effektiv səpələnmə sahəsi

Видео Əsas xəbərlər 21.12.2020 (Xəbər Saatı) Rusiyadan Azərbaycana XANKƏNDİ ŞOKU! канала Musa Media