ပဲငံပြာရည် ကြက်သားဟင်း ချက်နည်း Soy sauce chicken

ချက်ရတာ ရိုးရှင်းပြီး စားလို့ကောင်းတဲ့ ဟောင်ကောင်စတိုင်ပဲငံပြာရည်ကြက်သား အချိုချက်လေးပါ။ ဒီဟင်းလေးက နေကောင်းခါစသူတွေ ဆန်ပြုတ်လေးနဲ့ တွဲစားလို့လည်း ကောင်းပါတယ်။

ပထမဆုံး ဒယ်အိုးထဲမှာ ဆီအနည်းငယ်ထည့်ပြီး
ချင်း - ၄ ပြား
နာနတ်ပွင့် - ၁ ပွင့်
သစ်ကြံပိုးခေါက် - လက်တဆစ်
ထည့်ပြီးမွှေးလာတဲ့အထိ ဆီသတ်ပေးပါ။ မီးအားနည်းနည်းပဲ ထားပေးပါ။ မွှေးလာပြီဆိုရင် ကြက်ပေါင် တွေထည့်ပြီး အရောင်ပြောင်းတဲ့အထိ ကြော်ပေးရမှာဖြစ်ပါတယ်။ ကြက်အရေခွံတွေ အရောင်ပြောင်းမွှေးလာပြီဆိုရင်
ကြက်သွန်မြိတ် - ၂ ချောင်း
သကြားခဲ - ၆ ပွင့် (ရိုးရိုးသကြားသုံးရင် ၁ ဇွန်း စားပွဲတင်ဇွန်း ဆိုရင် ရပါတယ်)
ပဲငံပြာရည်အကြည် - ၄ ဇွန်း (စားပွဲတင်ဇွန်း)
ပဲငံပြာရည်အပျစ် - တဝက် (စားပွဲတင်ဇွန်း)
ထည့်ပေးပါ။ ရေကို ကြက်သားတဝက်လောက်မြှုပ်ရုံပဲထည့်ပေးပါ။ အဖုံးပိတ်ပြီး မီးအေးအေးနဲ့ မိနစ် ၂၀ လောက်ချက်ပေးပါ။ ဒယ်အိုးအောက်ခြေမှာ မကပ်စေဖို့တော့ မကြာခဏ မွှေပေးပါ။
ကြက်သွန်မြိတ်ကို ဆယ်ထုတ်ပေးပါ။
ပြီးရင် မီးအားမြှင့်ပြီး ရေခမ်းတဲ့အထိ ချက်ပေးပါ။
(မူရင်းချက်နည်းမှာ ရေခမ်းအောင်မတည်ဘဲ ရေအနည်းငယ်ရှိသေးတဲ့အထိ ချက်ပါတယ်)
ရေခမ်းပြီး ဆော့စ်ပျစ်ပျစ်လေးရပြီဆိုရင် သုံးဆောင်နိုင်ပြီဖြစ်ပါတယ်ခင်ဗျာ။
ကြက်ပေါင်- ၇ ချောင်း
ချင်း - ၄ ပြား
နာနတ်ပွင့် - ၁ ပွင့်
သစ်ကြံပိုးခေါက် - လက်တဆစ်
ကြက်သွန်မြိတ် - ၂ ချောင်း
သကြားခဲ - ၆ ပွင့် (ရိုးရိုးသကြားသုံးရင် ၁ ဇွန်း စားပွဲတင်ဇွန်း ဆိုရင် ရပါတယ်)
ပဲငံပြာရည်အကြည် - ၄ ဇွန်း (စားပွဲတင်ဇွန်း)
ပဲငံပြာရည်အပျစ် - တဝက် (စားပွဲတင်ဇွန်း)

သူငယ်ချင်းအားလုံး ကျန်းမာပျော်ရွှင်ကြပါစေ
Cookfork1 ၏ အခြားသော လူမှုကွန်ယက်တွေဖြစ်တဲ့ ဖေ့စ်ဘုတ်။ အင်စတာဂရမ်။တစ်တော့ မှာလည်း မတူညီသော တင်ဆက်မှုများဖြင့် တင်ပေးထားပါတယ်ခင်ဗျာ။

Видео ပဲငံပြာရည် ကြက်သားဟင်း ချက်နည်း Soy sauce chicken канала Cook for K1